പൂച്ചാക്കല്‍: അപകടം പതിവായ അടിയോടി പാലത്തില്‍ കൈവരിയും മുന്നറിയിപ്പ് ബോര്‍ഡും സ്ഥാപിച്ചു. നാട്ടുകാരുടെ പ്രതിഷേധത്തിന് ഒടുവിലാണ് ബന്ധപെട്ടവര്‍ പാലത്തിന്റെ ഇരുവശങ്ങളിലും കൈവരികള്‍ സ്ഥാപിച്ചത്.രണ്ടുമാസത്തിനിടെ 20ഓളം അപകടങ്ങള്‍ ഈപാലത്തില്‍വെച്ച് നടന്നു.
കാര്‍ തോട്ടിലേക്ക് മറിഞ്ഞ് ചേര്‍ത്തല മുട്ടം സ്വദേശികളയ ജോസഫ്.ഭാര്യ അഡ്വ:ഷൈബി എന്നിവര്‍ കാറുമായി അപകടത്തില്‍പെട്ടിരുന്നു.ഇരുചക്ര യാത്രക്കാരും സൈക്കിള്‍ യാത്രക്കാരും അപകടത്തില്‍പെടുന്നത് പതിവാണെന്ന് നാട്ടുകാര്‍ പറയുന്നു.വളവോട് കൂടിയ വളരെ ഇടുങ്ങിയ റോഡാണിത്.വളവ് തിരിഞ്ഞി കയറുന്നത് പാലത്തിലേക്കാണ്.പാലത്തില്‍ നിന്ന് നേരെ വീഴുന്നത് നല്ലവെള്ളമൊഴുക്കുള്ള തോട്ടിലേക്കും.
പൂച്ചാക്കല്‍ കവലയില്‍ നിന്ന് ഉളവയ്പ്പിലേക്കുള്ള റോഡാണിത്.പാലത്തില്‍ കൈവരികള്‍ ഇല്ലാത്തതായിരുന്നു അപകടം വര്‍ധിക്കാന്‍ പ്രധാന കാരണം.ഇടക്ക് റോഡ് പുനര്‍നിര്‍മാണം നടന്നിരുന്നു.
ഇതോടെ പാലത്തിലുണ്ടായിരുന്ന കലുങ്ക് മൂടിപോകുകയും റോഡ് വികസിക്കുകയും ചെയ്തു.എന്നാല്‍,വര്‍ഷങ്ങളുടെ പഴക്കമുള്ള പാലത്തില്‍ കൈവരികള്‍ നിര്‍മിക്കാന്‍ ബന്ധപെട്ടവര്‍ തയാറായില്ല.
പാലത്തിന്റെ അടിത്തട്ട് കോണ്‍ക്രീറ്റ് അടര്‍ന്ന് വീണ് കമ്പികള്‍ ദ്രവിച്ച നിലയിലാണ്. വലിയ വാഹനങ്ങള്‍ കടന്നു പോകുമ്പോള്‍ പാലത്തിന് കുലുക്കം സംഭവിക്കാറുണ്ടെന്ന് നാട്ടുകാര്‍ പറഞ്ഞു .