ആലുവ: കീഴ്മാട് പത്തൊമ്പതാം വാര്‍ഡില്‍ സ്ഥിതി ചെയ്യുന്ന പഞ്ചായത്ത് കിണര്‍ ഭൂമിയ്ക്കടിയിലേയ്ക്ക് താഴ്ന്നു. തോട്ടുമുഖം എടയപ്പുറം റോഡരികിലെ കിണറാണ് ഇടിഞ്ഞു താണത്. ഞായറാഴ്ച രാവിലെ ഒന്‍പതരയോടെയാണ് കിണര്‍ ഇടിഞ്ഞത്. വലിയ ശബദത്തോടെ താഴേയ്ക്ക പതിക്കുകയായിരുന്നു. കിണറിന്റെ കൈവരിയും മറ്റും ഇടിഞ്ഞു താണു.
ചെറുപള്ളില്‍ സതീശന്റെ വീടിന് സമീപമാണ് കിണര്‍ സ്ഥിതി ചെയ്യുന്നത്. കിണര്‍ താഴേയ്ക്ക പതിച്ചത് വീട്ടുകാരെ ആശങ്കയിലാഴ്ത്തിയിട്ടുണ്ട്. പതിനേഴാം വാര്‍ഡില്‍ കാട്ടിവള്ളത്ത് ജോണി ക്രിസ്റ്റഫറിന്റെ വീടിന്റെ പിറക് വശത്തുള്ള കരിങ്കല്‍ മതില്‍ ഇടിഞ്ഞു വീണു. ഞായറാഴ്ച പുലര്‍ച്ചെയാണ് മതിലിടിഞ്ഞ് വീണത്.