മക്കിയാട്: കേരള സ്‌കൂള്‍ ടീച്ചേഴ്‌സ് അസോസിയേഷന്റെ ആഭിമുഖ്യത്തില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ പ്രചാരണാര്‍ഥം വിദ്യാഭ്യാസ സദസ് സംഘടിപ്പിച്ചു.
പൊതു വിദ്യാഭ്യാസ സംരക്ഷണ യജ്ഞത്തിന്റെ വിവിധ വശങ്ങള്‍ രക്ഷിതാക്കളുമായും പൊതുസമൂഹവുമായി ചര്‍ച്ച ചെയ്യുന്നതിനും നിര്‍ദ്ദേശങ്ങളും അഭിപ്രായങ്ങളുമാരായുന്നതിനുമായി കെ.എസ്.ടി.എ സംസ്ഥാന വ്യാപകമായി സംഘടിപ്പിക്കുന്ന വിദ്യാഭ്യാസ സദസുകളില്‍ ജില്ലയിലെ ആദ്യ സദസ് മക്കിയാട് തൊണ്ടര്‍നാട് പഞ്ചായത്ത് പ്രസിഡന്റ് പി.എ ബാബു ഉദ്ഘാടനം ചെയ്തു.
പി.ടി സുഗതന്‍ മാസ്റ്റര്‍ വിഷയാവതരണം നടത്തി.
വിവിധ സ്‌കൂളിലെ പി.ടി.എ പ്രസിഡന്റുമാരായ കെ.കെ അമ്മത് ഹാജി, സിബി ജോസഫ്, എ.ആര്‍ രജീഷ,് അലി ടി, അധ്യാപകരായ എ.കെ ശങ്കരന്‍, സന്തോഷ് വി.എം, മാനന്തവാടി ബി.പി.ഒ സത്യന്‍ കെ സംസാരിച്ചു.