അരീക്കോട്: മൂര്‍ക്കനാട് സുബലുസ്സലാം ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റ് കര്‍ക്കിടക  മാസത്തിന്റെ പ്രാധാന്യം വിളിച്ചോതി സ്‌കൂളില്‍ ഔഷധസസ്യങ്ങള്‍ വെച്ചു പിടിപ്പിച്ചു. സംസ്ഥാന ഔഷധ സസ്യബോര്‍ഡില്‍ നിന്നുലഭിച്ച ധനസഹായം ഉപയോഗിച്ച് കോട്ടക്കല്‍ ആര്യവൈദ്യശാല ഔഷധ സസ്യഗവേഷണ കേന്ദ്രം തയാറാക്കിയ പദ്ധതിയില്‍ ഉള്‍പ്പെടുത്തിയാണു 50 ഇനം ഔഷധസസ്യങ്ങള്‍ സ്‌കൂളിലെ  ജൈവഉദ്യാനത്തില്‍ വച്ചുപിടിപ്പിച്ചത്.
  ഊര്‍ങ്ങാട്ടീരി ഗ്രാമ പഞ്ചായത്ത് പ്രസിഡന്റ് എന്‍.കെ ഷൗക്കത്തലി ഉദ്ഘാടനം ചെയ്തു. വാര്‍ഡ് മെമ്പര്‍ കെ ഹഫ്‌സത്ത് അധ്യക്ഷയായി.
ആര്‍ ജഗദീഷന്‍ പദ്ധതി വിശദീകരിച്ചു. പ്രിന്‍സിപ്പല്‍ കെ അബ്ദുറസാഖ്, ഡോ. എം.കെ മഹേഷ് കുമാര്‍, കൃഷി ഓഫിസര്‍ എമി ബിന്ദുപ്രകാശ്, എച്ച്.എം ലിജിന്‍, ടി സൈതലവി, ഹാമിദലി, സജിത്ത്, അഹമ്മദ് സവാദ്, ബിന്ദു, പി സുഭാഷ് സംസാരിച്ചു. എന്‍.എസ്.എസ് വളണ്ടിയര്‍മാരായ ഹൃദ്യ, ആര്യ, നാസിഫ്, സബീല്‍, ദില്‍ഷ, റഹൂഫ്, സ്‌നേഹ നേതൃത്വം നല്‍കി.