ശ്രീനഗര്‍: ജമ്മു കശ്മീരില്‍ പി.ഡി.പി നേതാവും തൊഴില്‍ വകുപ്പ് മന്ത്രിയുമായ നയിം അക്തറിന്റെ വാഹനവ്യൂഹത്തിന് നേരെ ഭീകരര്‍ നടത്തിയ ഗ്രനേഡാക്രമണത്തില്‍ ഒരു സ്ത്രീയടക്കം മൂന്നു പേര്‍ കൊല്ലപ്പെട്ടു. കശ്മീരിലെ ത്രാല്‍ മേഖലയിലാണ് ആക്രമണമുണ്ടായത്. കൊല്ലപ്പെട്ട മൂന്നുപേരും സാധാരണക്കാരാണ്. 30തോളം പേര്‍ക്ക് പരുക്കുണ്ട്.
ഒരാള്‍ 85 വയസുള്ളയാളാണ്. മറ്റൊന്ന് പിന്‍ടി കൗര്‍ എന്ന വിദ്യാര്‍ഥിയാണ്. ഇവര്‍ ഇസ്‌ലാമിക് സര്‍വകലാശാലയില്‍ ബിരുദാനന്തര ബിരുദ വിദ്യാര്‍ഥിനിയാണ്. പരുക്കേറ്റവരില്‍ ഏട്ടു സി.ആര്‍.പി.എഫ് ജവാന്‍മാരും നാലു പൊലിസുകാരുമാണ്. ഇവരെ ശ്രീനഗറിലെ ആശുപത്രിയില്‍ പ്രവേശിപ്പിച്ചു. അതേസമയം ആക്രമണത്തെ നയിം അക്തര്‍ അപലപിച്ചു. അതേസമയം ഭീകരാക്രമണത്തിന് ശേഷം സൈന്യം നടത്തിയ പെല്ലറ്റാക്രമണത്തില്‍ നിരവധി പേര്‍ക്ക് പരുക്കേറ്റിട്ടുണ്ടെന്ന് പ്രദേശവാസികള്‍ ആരോപിച്ചു.