മധുര: തൂത്തുക്കുടിയില്‍ വച്ച് 9.50 ക്വിറ്റല്‍ ചന്ദനം പിടിച്ചെടുത്തു. തൂത്തുക്കുടി തുറമുഖം വഴി കുടിവെള്ള പൈപ്പിനുള്ളില്‍ വച്ച് കടത്താന്‍ ശ്രമിച്ച ചന്ദനമാണ് പിടിച്ചെടുത്തത്. തുറമുഖം വഴി അനധികൃതമായി ചന്ദനം കടത്തുന്നുണ്ടെന്ന രഹസ്യ വിവരം ലഭിച്ചതിനെതുടര്‍ന്ന് നടത്തിയ പരിശോധനയിലാണ് ഇവ പിടികൂടിയതെന്ന് വിജിലന്‍സ് വിഭാഗം അറിയിച്ചു. മലേഷ്യയിലേക്കായിരുന്നു ചന്ദനം കടത്താന്‍ ശ്രമിച്ചതെന്ന് അധികൃതര്‍ അറിയിച്ചു.