പെരളശേരി: കാടാച്ചിറയിലെ അഭിമന്യുവെന്ന ബാലതാരത്തിന്റെ ചികിത്സാ ധനസഹായത്തിനായി പെരളശേരിയിലെ ഓട്ടോ ഡ്രൈവര്‍ പി.പി സുരേന്ദ്രന്റെ ഓട്ടോ ശനിയാഴ്ച്ച സര്‍വിസ് നടത്തും. രാവിലെ എട്ടുമുതല്‍ വൈകിട്ട് ആറുവരെലഭിക്കുന്ന പണം അഭിമന്യു ചികിത്സാ സഹായ കമ്മിറ്റി ഭാരവാഹിയും കടമ്പൂര്‍ ഗ്രാമപഞ്ചായത്ത് പ്രസിഡന്റുമായ കെ ഗിരീശനെ ഏല്‍പ്പിക്കും. കഴിഞ്ഞ വര്‍ഷം ഐ.ആര്‍.പി.സിക്ക് ഫണ്ടു ശേഖരിക്കുന്നതിനും സുരേന്ദ്രന്‍ ഓട്ടോസര്‍വിസ് നടത്തിയിരുന്നു.