മയ്യില്‍: മയ്യില്‍ പൊലിസ് സ്‌റ്റേഷന്‍ പരിധിയില്‍ നിരീക്ഷണ കാമറകള്‍ സ്ഥാപിക്കുന്നു. തദ്ദേശഭരണ സ്ഥാപനങ്ങളുടെ സഹകരണത്തോടെ നാറാത്ത് പഞ്ചായത്ത് പരിധിയിലാണ് ആദ്യം കാമറകള്‍ സ്ഥാപിക്കുക. നാറാത്ത് ടൗണ്‍, കണ്ണാടിപ്പറമ്പ്, ചേലേരിമുക്ക്, സ്റ്റെപ്പ് റോഡ്, ആലിങ്കീല്‍, മാലോട്ട് തുടങ്ങിയ ഭാഗങ്ങളിലും തുടര്‍ന്നു കൊളച്ചേരി, മയ്യില്‍ പഞ്ചായത്തുകളിലും കാമറകള്‍ സ്ഥാപിക്കും. ഇതുസംബന്ധിച്ച് മയ്യില്‍ പൊലിസ് തദ്ദേശഭരണ സ്ഥാപന അധികൃതരുമായി ചര്‍ച്ച നടത്തി വരികയാണ്.