കൊച്ചി: തിരുവനന്തപുരം ആര്‍.സി.സിയില്‍ നിന്ന് രക്തം സ്വീകരിച്ച കുട്ടിക്ക് എച്ച്.ഐ.വി ബാധിച്ച സംഭവത്തില്‍ ഹൈക്കോടതി വിശദീകരണം തേടി. കുട്ടിയുടെ പിതാവിന്റെ പരാതിയിലാണ് ഹൈക്കോടതി നടപടി.

തിരുവനന്തപുരം ആര്‍.സി.സിയില്‍ നിന്ന് രക്തം സ്വീകരിച്ച അര്‍ബുദ ബാധിതയായ ഒന്‍പതു വയസുകാരിയ്ക്കാണ് എച്ച്.ഐ.വി ബാധിച്ചത്.

ഇക്കഴിഞ്ഞ മാര്‍ച്ചിലാണ് കുട്ടി ആര്‍.സി.സിയില്‍ ചികിത്സ തേടിയെത്തിയത്. പരിശോധനയില്‍ രക്താര്‍ബുദം സ്ഥിരീകരിച്ചതിനെ തുടര്‍ന്ന് നാലുതവണ റേഡിയേഷന്‍ തെറാപ്പി നടത്തി. ഇതിനുശേഷം കൗണ്ട് കുറഞ്ഞതിനെ തുടര്‍ന്ന് ബല്‍ഡ് ട്രാന്‍സ്ഫ്യൂഷന്‍ നടത്തി. പിന്നീട് നടത്തിയ പരിശോധനയിലാണ് എച്ച്.ഐ.വി ബാധ സ്ഥിരീകരിച്ചത്.