മത വിദ്വേഷ വാര്‍ത്തകളാണ് കുറേ ദിവസങ്ങളായി ചൂടുപിടിക്കുന്നത്. തൃശൂര്‍ സ്വദേശിനി ഡോ. ശ്വേത ഹരിദാസ് ക്രിസ്ത്യന്‍ യുവാവുമായുള്ള വിവാഹബന്ധത്തില്‍നിന്ന് പിന്മാറില്ലെന്ന് ബോധ്യമായപ്പോള്‍ കൊടും പീഡനത്തിനിരയാക്കിയത് ആര്‍.എസ്.എസിന്റെ അധീനതയിലുള്ള തൃപ്പൂണിത്തുറ യോഗ സെന്ററാണെന്നത് ഭീതികരമാണ്.
യോഗ സെന്ററിനെ മൂടുപടമാക്കിക്കൊണ്ടണ്ട് അകത്തളങ്ങളില്‍ അരങ്ങേറുന്നത് ഘര്‍വാപസിയുടെയും പീഡനങ്ങളുടെയും ക്രൂരതകളാണ്. ഉദുമ സ്വദേശിനി ആയിഷയായ ആതിര സ്വന്തം ഇഷ്ടപ്രകാരം ഇസ്‌ലാം സ്വീകരിച്ച് തട്ടമിട്ടത് അഴിപ്പിച്ചതും ഇതേ യോഗാ സെന്ററാണ്. ഭരണഘടന അനുവര്‍ത്തിക്കുന്ന മത മൗലികാവകാശം മരവിപ്പിക്കും വിധത്തിലുള്ള അഴിഞ്ഞാട്ടങ്ങളാണ് കേരളക്കരയിലും ഉടലെടുക്കുന്നത് . ഒരു മുസ്‌ലിം മുസ്‌ലിമിനെ മാത്രമേ ഹിന്ദു ഹിന്ദുവിനെ മാത്രമേ സമീപിക്കാവൂ എന്ന നയമാണ് സംഘ്പരിവാരത്തിന്റെ ധാര്‍ഷ്ഠ്യം. മുസ്‌ലിം യുവാവിനോടൊപ്പം ഇരുന്ന യുവതിയെ മര്‍ദിച്ച അലിഗഡ് വനിതാ സെല്‍ നേതാവ് സംഗീതയുടെ പ്രതികരണം മുസ്‌ലിം ആരാണെന്നും ഹിന്ദു ആരണെന്നുമുള്ളൊരു ഓര്‍മപ്പെടുത്തലാണ്.
മതേതര മൂല്യങ്ങളെ നോക്കുകുത്തിയാക്കി മതങ്ങള്‍ക്കിടയില്‍ വേര്‍തിരിവ് സൃഷ്ടിക്കാനും നിര്‍ബന്ധ മതപരിവര്‍ത്തനം നടത്താനും ആരാണ് സംഘ്പരിവാരത്തിന് ലൈസന്‍സ് നല്‍കിയത്?.