തെഹ്‌റാൻ: ശനിയാഴ്ച ഇറാനിലെ ഒരു പ്രൈമറി സ്കൂളിന് നേരെ അമേരിക്കയും ഇസ്റാഈലും സംയുക്തമായി നടത്തിയ ബോംബാക്രമണത്തെ രൂക്ഷമായി വിമർശിച്ച് യുനെസ്കോ. ആക്രമണത്തിൽ കൊല്ലപ്പെട്ടവരിൽ അധികവും വിദ്യാർഥികളാണ്. അന്താരാഷ്ട്ര മാനുഷിക നിയമങ്ങളുടെ നഗ്നമായ ലംഘനമാണ് ഇത്. യുഎൻ വിദ്യാഭ്യാസ ഏജൻസിയായ യുനെസ്കോ വ്യക്തമാക്കി.

ശനിയാഴ്ച നടത്തിയ ബോംബാക്രമണത്തിൽ 160-ലധികം പേരാണ് കൊല്ലപ്പെട്ടത്. ഇതിൽ ഏറിയ പങ്കും കുട്ടികളാണ്.

അറിവ് പകർന്നുനൽകുന്ന വിദ്യാലയങ്ങൾ അന്താരാഷ്ട്ര നിയമമനുസരിച്ച് സംരക്ഷിക്കപ്പെടേണ്ട ഇടങ്ങളാണ്. അത്തരമൊരു സ്ഥലത്ത് വിദ്യാർഥികളെ കൊന്നൊടുക്കുന്നത് വലിയ കുറ്റകൃത്യമാണെന്ന് യുനെസ്കോ പ്രസ്താവനയിൽ പറഞ്ഞു.

ALSO READ: റിയാദിലെ യുഎസ് എംബസിക്ക് നേരെ ഡ്രോൺ ആക്രമണം; കെട്ടിടത്തിന് ഭാഗിക നാശനഷ്ടം

സ്കൂളുകൾക്ക് നേരെയുള്ള ഇത്തരം ആക്രമണങ്ങൾ കുട്ടികളുടെയും അധ്യാപകരുടെയും ജീവൻ അപകടത്തിലാക്കുകയും, പഠിക്കാനുള്ള അവരുടെ മൗലികാവകാശത്തെ ഇല്ലാതാക്കുകയും ചെയ്യുന്നു.

ഐക്യരാഷ്ട്രസഭയുടെ സുരക്ഷാ കൗൺസിൽ തീരുമാനപ്രകാരം (Resolution 2601), വിദ്യാലയങ്ങളും വിദ്യാർഥികളും എപ്പോഴും സംരക്ഷിക്കപ്പെടണം. യുദ്ധത്തിലേർപ്പെട്ടിരിക്കുന്ന എല്ലാ വിഭാഗങ്ങളും ഈ ഉത്തരവാദിത്തം നിറവേറ്റണമെന്ന് യുനെസ്കോ ഓർമ്മിപ്പിച്ചു.

UNESCO has strongly condemned the US-Israel joint bombing of an Iranian primary school, stating it's a blatant violation of international humanitarian law. The attack, which killed mostly students, has sparked widespread outrage and concern