പാലക്കാട്: ജില്ലയിലെ തത്തമംഗലം ശ്രീ കുറുമ്പക്കാവിലെ ഗവ. യു.പി. സ്‌കൂളിലെ എല്‍.കെ.ജി, യു.കെ.ജി. വിഭാഗങ്ങളിലെ വിദ്യാര്‍ഥികളുടെ രക്ഷിതാക്കള്‍ കൂട്ടായ്മയായി സ്റ്റീല്‍ കുടിവെള്ള കെറ്റില്‍. രക്ഷിതാക്കളുടെ പ്രതിനിധി എസ്. ഗുരുവായൂരപ്പന്‍  ഹെഡ് മിസ്ട്രസ് രമണി ടീച്ചര്‍ക്ക് കെറ്റില്‍ കൈമാറി പ്ലാസ്റ്റിക് കുപ്പിവെള്ളം ഉപേക്ഷിക്കേണ്ടതിന്റെ ആവശ്യകതയെ ക്കുറിച്ചു ബോധവത്കരണം നടത്തി.
സ്വാതന്ത്ര്യദിന സമ്മാനമായി കിട്ടിയ ഈ കെറ്റിലിലൂടെ പ്രീ പ്രൈമറി വിദ്യാര്‍ഥികള്‍ക്ക്  ഇനി  സ്‌കൂളില്‍ തന്നെ ശുദ്ധമായ കുടിവെള്ളം  ചൂടോടെ  ലഭ്യമാകും. പ്ലാസ്റ്റിക് കുപ്പികളില്‍ വീടുകളില്‍ നിന്നും കൊടുത്തുവിടുന്ന പ്രവണത ഇല്ലായ്മ ചെയ്യുന്നതിനും സാധിക്കും. നിലം വൃത്തിയാക്കുന്നതിനുള്ള രണ്ടു മോപ്പം, ഒരു ബക്കറ്റ്, മൂന്ന് ഫിനോയില്‍ എന്നിവയും സ്‌കൂളിന് സമ്മാനിച്ചു. രക്ഷകര്‍ത്താക്കള്‍ തന്നെ നേതൃത്ത്വമെടുത്തു ഇരുപതു രൂപ മാത്രമാണ് ശേഖരിച്ചത.്