കോഴിക്കോട്: ഫിഫ അണ്ടര്‍17 ലോകകപ്പ് ഫുട്‌ബോള്‍ ടൂര്‍ണമെന്റിനുള്ള ഒരുക്കങ്ങള്‍ അവസാന ഘട്ടത്തിലെന്ന് സംസ്ഥാന സ്‌പോര്‍ട്‌സ് കൗണ്‍സില്‍ സംസ്ഥാന പ്രസിഡന്റ് ടി.പി ദാസന്‍. ലോകകപ്പിന്റെ മുന്നോടിയായിട്ടുള്ള ദീപശിഖാ പ്രയാണവും ബോള്‍ റണ്ണും ഇന്ന് കാസര്‍കോട്, പാറശാല എന്നിവിടങ്ങളില്‍ നിന്ന് ആരംഭിക്കും. മുന്‍ ഇന്ത്യന്‍ താരം ഐ.എം വിജയന്‍ ദീപശിഖാ പ്രയാണത്തിനും വി.പി ഷാജി ബോള്‍ റണ്ണിനും നേതൃത്വം നല്‍കും. രണ്ട് പരിപാടികളും രാവിലെ ഒന്‍പതിന് തുടങ്ങും. വിവിധ ജില്ലകളിലൂടെ പര്യടനം നടത്തുന്ന ദീപശിഖയും ബോള്‍ റണ്ണും ആറിന് വൈകിട്ട് അഞ്ചിന് കൊച്ചി ദര്‍ബാര്‍ ഗ്രൗണ്ടില്‍ സമാപിക്കും. സമാപനത്തില്‍ മുഖ്യമന്ത്രി പിണറായി വിജയന്‍ പങ്കെടുക്കും. ഏഴിന് കളി കാണാനും മുഖ്യമന്ത്രിയുണ്ടാകും.