ദോഹ: നോമ്പ് തുറ സമയത്ത് റോഡുകളില്‍ അമിത വേഗത്തില്‍ വാഹനമോടിച്ച് തിരക്ക് കൂട്ടേണ്ടെന്ന് ആഭ്യന്തര മന്ത്രാലയം.  പുലര്‍ച്ചെ നോമ്പ് നോല്‍ക്കാനുള്ള സമയത്തും നോമ്പുതുറക്കുന്ന സമയത്തും അമിത വേഗത്തില്‍ വാഹനമോടിക്കുന്നത് ഗതാഗത നിയമങ്ങള്‍ ലംഘിക്കുന്നതിനും അപകടങ്ങള്‍ വിളിച്ചുവരുത്തുമെന്നും ആഭ്യന്തര മന്ത്രാലയത്തിന്റെ പബ്ലിക റിലേഷന്‍ വിഭാഗം അറിയിപ്പില്‍ വ്യക്തമാക്കി.

അമിതവേഗം പാടില്ലെന്നും ഗതാഗത നിയമങ്ങള്‍ പാലിക്കണമെന്നും നിര്‍ദേശിച്ചു. ഇഫ്താര്‍ സമയമായാല്‍ വാഹനങ്ങള്‍ നിര്‍ദിഷ്ട സ്ഥലങ്ങളില്‍ പാര്‍ക്ക് ചെയ്തുവേണം നോമ്പുതുറക്കാന്‍. ഡ്രൈവിങ്ങിനിടെ നോമ്പുതുറക്കുന്നതും ഭക്ഷണം കഴിക്കുന്നതും ഒഴിവാക്കണമെന്നും അറിയിച്ചു.