ദമസ്‌കസ്: സിറിയയിലെ ഐ.എസ് സ്വാധീനമേഖലയായ റഖയില്‍ ഭീകരസംഘം പരാജയം മുന്നില്‍ കാണുകയാണെന്ന് അമേരിക്കയുടെ നേതൃത്വത്തിലുള്ള കുര്‍ദ്-അറബ് സഖ്യസൈന്യം അവകാശപ്പെട്ടു. ഇവിടെ ഭീകരരുമായി പോരാട്ടം രൂക്ഷമാക്കിയ പശ്ചാത്തലത്തില്‍ നാട്ടുകാരെ ബസുകളില്‍ സുരക്ഷിതകേന്ദ്രങ്ങളിലേക്ക് ഒഴിപ്പിച്ചു.
ഏതാനും ദിവസങ്ങള്‍ക്കകം കേന്ദ്രം പൂര്‍ണമായി തിരിച്ചുപിടിക്കുമെന്ന് സിറിയന്‍ ഡെമോക്രാറ്റിക് ഫോഴ്‌സസ്(എസ്.ഡി.എഫ്) അവകാശപ്പെട്ടു. നൂറോളം ഐ.എസ് ഭീകരര്‍ തങ്ങള്‍ക്കു മുന്‍പില്‍ കീഴടങ്ങിയിട്ടുണ്ടെന്നും സൈന്യം അറിയിച്ചു. മാസങ്ങളായി എസ്.ഡി.എഫ് റഖാ നഗരം പുറത്തുനിന്ന് ഉപരോധിച്ചിരിക്കുകയാണ്.