ഹര്‍ദോയി: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ അയോധ്യയിലെ ദീപാവലി ആഘോഷത്തിനെതിരെ വിമര്‍ശനവുമായി സമാജ് വാദ് പാര്‍ട്ടി എം.പി നരേഷ് അഗര്‍വാള്‍.

രാമനെ രാഷ്ട്രീയവത്ക്കരിക്കാനാണ് യോഗി ആദിത്യനാഥിന്റെ നീക്കമെന്ന് അദ്ദേഹം കുറ്റപ്പെടുത്തി. ഭരണത്തിലെ തങ്ങളുടെ പരാജയം രാമന്റെ പേരു പറഞ്ഞ് ഒളിക്കാമെന്നാണ് കരുതുന്നതെങ്കില്‍ അത് നടക്കില്ലെന്ന് അദ്ദേഹം വ്യക്തമാക്കി.

'യോഗിക്ക് തന്റെ സംസ്ഥാനത്തോട് എത്രത്തോളം ആത്മാര്‍ഥതയുണ്ടെന്ന് നമുക്കറിയാം.

ഏഴു മാസത്തെ ഭരണത്തിനിടെ ഗോരഖ്പൂരില്‍ എത്ര ദിവസം ചെലവിട്ടു എന്ന് മാത്രം നോക്കയാല്‍ മതി ആത്മാര്‍ഥതയുടെ ആഴമളക്കാന്‍'- അഗര്‍വാള്‍ പറഞ്ഞു.

യോഗിക്ക് മുഖ്യമന്ത്രിയാവാന്‍ യോഗ്യതയില്ലെന്നും അദ്ദേഹം കൂട്ടിച്ചേര്‍ത്തു.