മുംബൈ: ദീപാവലിക്കു ശേഷം നിരക്കുകള്‍ കൂട്ടിയും കാലാവധി കുറച്ചും ഉപഭോക്താക്കള്‍ക്ക് ഇരുട്ടടി നല്‍കി റിലയന്‍സ് ജിയോ.

പുതിയ ധന്‍ ധനാ ധന്‍ താരിഫ് പ്ലാന്‍ 459 രൂപയാക്കി ഉയര്‍ത്തി. നേരത്തെ ഇത് 399 രൂപയായിരുന്നു. ദിവസം ഒരു ജിബി ഡേറ്റ. 84 ദിവസത്തേക്കാണ് പ്ലാന്‍.

399 രൂപയുടെ പ്ലാന്‍ നിലനിര്‍ത്തിയെങ്കിലും കാലാവധി 70 ദിവസമാക്കി കുറച്ചു. നേരത്തെയിത് 84 ദിവസമായിരുന്നു.

509 രൂപയുടെ പ്ലാനിന്റെ കാലാവധി 49 ദിവസമായി കുറച്ചു. നേരത്തെയിത് 56 ദിവസമായിരുന്നു.

999 രൂപ പ്ലാനില്‍ 90 ജിബി ഡേറ്റ നല്‍കിയിരുന്നത് 60 ജിബി ആക്കി. 90 ദിവസമാണ് കാലാവധി.

ഒക്ടോബര്‍ 19 മുതല്‍ പ്ലാന്‍ വൗച്ചര്‍ നിലവില്‍ വരും.

അണ്‍ലിമിറ്റഡ് വോയ്‌സ് കോളും ജിയോ ആപ്പുകളുടെ സേവനവും നിലനിര്‍ത്തിയിട്ടുണ്ട്.