മലപ്പുറം: പ്രമുഖ സൂഫീവര്യന്‍ തൃപ്പനച്ചി മുഹമ്മദ് മുസ്‌ലിയാരുടെ ആറാം ഉറൂസ് മുബാറക് സമാപന സംഗമം നാളെ രാവിലെ നടക്കും. രാവിലെ 7.30ന് മഖാമില്‍ കൂട്ടസിയാറത്ത് നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. ഖത്തം ദുആക്ക് സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ നേതൃത്വം നല്‍കും. സയ്യിദ് ബാപ്പു തങ്ങള്‍ കുന്നുംപുറം, പി.കെ.കുഞ്ഞാലിക്കുട്ടി എം.പി, അബ്ദുസമദ് പൂക്കോട്ടൂര്‍, ആര്‍.വി.കുട്ടി ഹസന്‍ ദാരിമി, അബ്ദുസലാം ബാഖവി ഒഴുകൂര്‍ സംസാരിക്കും. സയ്യിദുമാര്‍, മത പണ്ഡിതന്‍മാര്‍, നേതാക്കള്‍ സംബന്ധിക്കും. തൃപ്പനച്ചി മഖാമിനു സമീപം കൊടിമരത്തിങ്കലാണ് സംഗമം. രാവിലെ 10.30 മുതല്‍ ഒരുലക്ഷം പേര്‍ക്ക് അന്നദാനം നടക്കും.