തൃശൂര്‍: ചാലക്കുടി രാജീവ് വധക്കേസില്‍ ജസ്റ്റിസ് പി.ഉബൈദിനെതിരെ സുപ്രിംകോടതി ചീഫ് ജസ്റ്റിസിന് പരാതി. രാജീവിന്റെ അമ്മയാണ് പരാതി നല്‍കിയത്. ജസ്റ്റിസ്.പി ഉബൈദിന്റെ ഇടക്കാല ഉത്തരവ് അന്വേഷണം നിലയ്ക്കാന്‍ കാരണമായെന്നും അഡ്വ. ഉദയഭാനുവിനെതിരെയുള്ള അന്വേഷണം വൈകുന്നുവെന്നുമാണ് പരാതി. പരാതിയുടെ പകര്‍പ്പ് ഹൈക്കോടതി ചീഫ് ജസ്റ്റിസിനും അയച്ചു കൊടുത്തിട്ടുണ്ട്.

ഉദയഭാനു നല്‍കിയ മുന്‍കൂര്‍ ജാമ്യാപേക്ഷ പരിഗണിച്ച ഹൈക്കോടതി അറസ്റ്റ് തടഞ്ഞുകൊണ്ട് ഇടക്കാല ഉത്തരവിടുകയായിരുന്നു.