റിയാദ്: കോഴിക്കോട് ചെലവൂര്‍ സ്വദേശി റിയാദില്‍ കുഴഞ്ഞു വീണു മരിച്ചു. റിയാദിലെ അല്‍ഹാഫില്‍ ട്രാന്‍സ്‌പോര്‍ട്ട് കമ്പനിയില്‍ ഡ്രൈവറായ അശ്‌റഫ് പറമ്പാടി (45 ) ആണ് ചൊവ്വാഴ്ച്ച രാവിലെ ഉലയ്യക്കു അടുത്തുള്ള ഉറൂബ രണ്ടിലെ റിയാദ് മെട്രോ നിര്‍മ്മാണ മേഖലക്ക് സമീപം മരിച്ചത്.

റിയാദ് മെട്രോ ജോലിക്കുള്ള തൊഴിലാളികളെ പണിസ്ഥലത്ത് ഇറക്കിയ ശേഷം വാഹനം പാര്‍ക്ക് ചെയ്തു നടക്കുന്നതിനിടെയാണ് മരണം.

ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൂന്നു വര്‍ഷമായി അല്‍ഹാഫില്‍ ട്രാസ്ന്‍പോര്‍ട്ട് കോര്‍പറേഷനിലെ ജീവനക്കാരനായി പ്രവര്‍ത്തിച്ചു വരികയായിരുന്നു. മാമു-ആച്ചുമ്മ ദമ്പതികളുടെ മകനാണ്. ഭാര്യ: ജാസ്മിന്‍, മൂന്നു പെണ്‍കുട്ടികളുണ്ട്.