റിയാദ്: ജോലിക്കിടെ കെട്ടിടത്തില്‍ നിന്നു വീണു മരിച്ചു. തിരുവനന്തപുരം സ്വദേശി രാജയ്യ (63) യാണ് മരിച്ചത്.

ഖുന്‍ഫുദയില്‍ ബന്ദര്‍ മാളിനു സമീപം നാലുനില കെട്ടിടത്തിന് മുകളില്‍ ജോലിയില്‍ ഏര്‍പ്പെട്ടിരിക്കെ അബദ്ധത്തില്‍ കാല്‍ തെറ്റി വീണാണ് അപകടം.

താല്‍കാലിക കോണിയില്‍ നിന്നും ടൈല്‍സ് മുറിക്കുന്നതിനിടെ കാല്‍ തെന്നി വീഴുകയായിരുന്നു. മൂന്നര വര്‍ഷം മുന്‍പാണ് ഇവിടെയെത്തിയത്. ഈ മാസം ഒടുവില്‍ നാട്ടിലേക്ക് മടങ്ങാനിരിക്കുകയായിരുന്നു.

ബാലരാമപുരം സ്വദേശിനി ലില്ലി ഭായിയാണ് ഭാര്യ. മക്കള്‍: നെഹ രാജ്, ദിവ്യരാജ്.