ന്യൂഡല്‍ഹി: തീര്‍ച്ചയായും താജ്മഹല്‍ ഇന്ത്യക്കാര്‍ പണിതതാണ്. അത് ഇന്ത്യയുടെ പൈതൃകത്തിന്റെ ഭാഗമാണെന്നും അത് സംരക്ഷിക്കേണ്ടതിന്റെ ഉത്തരവാദിത്തം നമുക്കുണ്ടെന്നും യോഗി ആദിത്യനാഥ് പറഞ്ഞു. നിങ്ങള്‍ ഞാന്‍ പറയുന്നത് വിശ്വസിച്ചാല്‍ മതി, മറ്റാരും പറയുന്നത് കാര്യമാക്കേണ്ടെന്നും അദ്ദേഹം പറഞ്ഞു. താജ്മഹല്‍ സന്ദര്‍ശിച്ച ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

താജ്മഹല്‍ ഇന്ത്യന്‍ സംസ്‌കാരത്തിന് അപമാനമാണെന്ന ബി.ജെ.പി എം.എല്‍.എ സംഗീത് സോമിന്റെ പരാമര്‍ശം വിവാദമായിരുന്നു ഇതിനെ പിന്തുണച്ച് കൊണ്ട് മുന്‍പ് യോഗി ആദിത്യനാഥ് രംഗത്തെത്തിയിരുന്നു. ഇന്ത്യക്കാരുടെ വിയര്‍പ്പും രക്തവും കൊണ്ടാണ് താജ്മഹല്‍ നിര്‍മിച്ചിരിക്കുന്നത്. അത് അടിമത്വത്തെയാണ് പ്രതിഫലിപ്പിക്കുന്നത്. ഇന്ത്യന്‍ സംസ്‌കാരത്തെ പ്രതിഫലിപ്പിക്കുന്നില്ലെന്നുമാണ് അന്ന് യു.പി മുഖ്യമന്ത്രി പറഞ്ഞിരുന്നത്.