പൊഴുതന: ദഅ്‌വത്തിനൊരു കൈതാങ്ങ് എന്ന പ്രമേയവുമായി നവംബര്‍ ഒന്ന് മുതല്‍ 25 വരെ സമസ്തയുടെ നേതൃത്വത്തില്‍ ആചരിക്കുന്ന സംഘടനാ ശാക്തീകരണ കാംപയിന്റെ ഭാഗമായി നവംബര്‍ ആദ്യവാരത്തില്‍ ജില്ലയിലെ 14 റെയ്ഞ്ചുതലങ്ങളിലും നേതൃസംഗമങ്ങള്‍ നടക്കും. റെയ്ഞ്ച് പരിധിയിലെ മഹല്ല് മദ്‌റസാ മാനേജമെന്റ് ഭാരവാഹികള്‍, സമസ്ത, മഹല്ല് ഫെഡറേഷന്‍, ജംഇയ്യത്തുല്‍ മുഅല്ലിമീന്‍, എസ്.വൈ.എസ്, എസ്.കെ.എസ്.എസ്.എഫ് എന്നീ ഘടകങ്ങളുടെ മേഖലാ, ക്ലസ്റ്റര്‍, ശാഖാ ഭാരവാഹികള്‍, പ്രധാന പ്രവര്‍ത്തകര്‍ സംബന്ധിക്കുന്ന മേഖലാ സംഗമങ്ങളുടെ ജില്ലാതല ഉദ്ഘാടനം ഇന്ന് വൈകിട്ട് നാലിന് പൊഴുതന ഇര്‍ശാദു സിബ്‌യാന്‍ മദ്‌റസയില്‍ നടക്കും. ജംഇയ്യത്തുല്‍ മുഅല്ലിമീന്‍ സംസ്ഥാന ട്രഷറര്‍ എം.എം ഇമ്പിച്ചിക്കോയ മുസ്‌ലിയാര്‍ ഉദ്ഘാടനം ചെയ്യും. ജില്ലാ കോഡിനേറ്റര്‍ ഹാരിസ് ബാഖവി കമ്പളക്കാട് വിഷയമവതരിപ്പിക്കും. റെയ്ഞ്ച് പ്രസിഡന്റ് ശംസീര്‍ ഫൈസി അധ്യക്ഷനാകും. സലീം കോയ തങ്ങള്‍, കെ.കെ ഹനീഫ സംസാരിക്കും. റെയ്ഞ്ച് പരിധിയിലെ സമസ്തയുടേയും പോഷക ഘടകങ്ങളുടെയും ഭാരവാഹികള്‍, മഹല്ല്, മദ്‌റസാ ഭാരവാഹികള്‍, പ്രധാന പ്രവര്‍ത്തകര്‍ സംബന്ധിക്കണമെന്ന് സെക്രട്ടറി അബ്ദുല്ലത്തീഫ് വാഫി അറിയിച്ചു.