പൂക്കോട്ടുംപാടം: യുവാക്കളെ സംഘം ചേര്‍ന്ന് മര്‍ദിച്ചതായി പരാതി. പൂക്കോട്ടുംപാടം അങ്ങാടിയിലാണ് കഴിഞ്ഞദിവസം രാത്രി ഒന്‍പതോടെ സിനിമാ സഹ സംവിധായകനായ ഷഹദ് നിലമ്പൂര്‍, സുഹൃത്തുക്കളായ തൊണ്ടിയന്‍ ഹര്‍ഷല്‍ ബാബു, മഠത്തുംപുറത്ത് സുബീഷ് എന്നിവര്‍ക്ക് മര്‍ദനമേറ്റത്. തലക്കും, ചുമലിനും വാരിയെല്ലിനും പരുക്കേറ്റ മൂന്നുപേരും നിലമ്പൂര്‍ ഗവ. ജില്ലാ ആശുപതിയില്‍ ചികിത്സ തേടി. ഇതുസംബന്ധിച്ച് പൂക്കോട്ടുംപാടം സ്വദേശികളായ അനന്ദു, ജംഷീര്‍, റമീസ്, ജോസഫ്, ചോക്കാട് മഞ്ഞപ്പെട്ടി സ്വദേശി സുഹൈല്‍ എന്നിവര്‍ക്കെതിരെ പൊലിസ് കേസെടുത്തു. ഒളിവില്‍പോയ പ്രതികള്‍ക്കായി പൂക്കോട്ടുംപാടം എസ്.ഐ അമൃതരംഗനും സംഘവും അന്വേഷണം ശക്തമാക്കിയിട്ടുണ്ട്.