നിലമ്പൂര്‍: സംസ്ഥാന തൈക്വാണ്‍ഡോ അസോസിയേഷന്റെ ആഭിമുഖ്യത്തില്‍ സംസ്ഥാനതല മത്സരങ്ങളും ഇന്റര്‍ സ്‌കൂള്‍ മത്സരങ്ങളും നിലമ്പൂരില്‍ നടക്കും. 29ന് നിലമ്പൂര്‍ പീവീസ് ഓഡിറ്റോറിയത്തിലാണ് മത്സരങ്ങള്‍ സംഘിടിപ്പിക്കുന്നതെന്ന് സംഘാടകര്‍ വാര്‍ത്താ സമ്മേളനത്തിലറിയിച്ചു. രാവിലെ പത്തിന് പി.വി.അബ്ദുല്‍ വഹാബ് എം.പി ഉദ്ഘാടനം ചെയ്യും. മത്സരങ്ങള്‍ രാവിലെ എട്ടുമുതല്‍ ആരംഭിക്കും. മത്സരങ്ങളില്‍ 1,2 സ്ഥാനങ്ങള്‍ ലഭിക്കുന്നവര്‍ കണ്ണൂരില്‍ നടക്കുന്ന ആള്‍ ഇന്ത്യാ തൈക്വാണ്‍ഡോ ചാംപ്യന്‍ഷിപ്പില്‍ പങ്കെടുക്കാം. കേരളത്തിലെ 94 സ്‌കൂളുകളില്‍ നിന്നുള്ള വിദ്യാര്‍ഥികള്‍ ഇന്റര്‍സ്‌കൂള്‍ മത്സരങ്ങളില്‍ പങ്കെടുക്കുന്നുണ്ട്. മൂന്നര വയസു മുതല്‍ 46 വയസു വരെയുള്ള മത്സരാര്‍ഥികളാണ് നിലമ്പൂരിലെ മത്സരങ്ങളില്‍ പങ്കാളികളാവുന്നത്. വാര്‍ത്താ സമ്മേളനത്തില്‍ സംസ്ഥാന തൈക്വാണ്‍ഡോ അസോസിയേഷന്‍ ജനറല്‍ സെക്രട്ടറി ശ്രീധര്‍ കെ ചരണ്‍, ചീഫ് ഇന്‍സ്ട്രക്ടര്‍ സുധീഷ് എന്നിവര്‍ പങ്കെടുത്തു.