പേരാമ്പ്ര: കൊടിമരം സ്ഥാപിക്കുന്നതുമായി ബന്ധപ്പെട്ട് പേരാമ്പ്രയില്‍ സംഘര്‍ഷം. എസ്.എഫ്.ഐ, ഡി .വൈ.എഫ്.ഐ പ്രവര്‍ത്തകരും ശിവജിസേന പ്രവര്‍ത്തകരുമാണ് ഏറ്റുമുട്ടിയത്. സംഭവത്തില്‍ ഇരുവിഭാഗത്തിലും പെട്ട 120 പേര്‍ക്കെതിരേ പേരാമ്പ്ര പൊലിസ് കേസെടുത്തു. പേരാമ്പ്ര അമ്പലനടയില്‍ കഴിഞ്ഞദിവസം ഉച്ചയോടെയാണ് സംഭവം. സംഭവത്തില്‍ ഇരു വിഭാഗത്തിലുമായി ഒട്ടേറെ പേര്‍ക്ക് പരുക്കേറ്റു. എസ്.എഫ്.ഐ പ്രവര്‍ത്തകരായ അതുല്‍ദാസ് (23), അര്‍ജുന്‍ മോഹന്‍ (20), നെല്‍ജോ അഗസ്റ്റിന്‍ (18), മിഥുന്‍ സജി(20), സിദ്ധാര്‍ഥ്(22) എന്നിവരെ പേരാമ്പ്ര താലൂക്ക് ആശുപത്രിയില്‍ പ്രവേശിപ്പിച്ചു. സംഭവസ്ഥലത്ത് പേരാമ്പ്ര സി.ഐയുടെ നേതൃത്വത്തില്‍ പൊലിസ് ക്യാംപ് ചെയ്യുന്നുണ്ട്.