അരീക്കോട്: ഭയമില്ലാതെ ജീവിക്കാനായി സമരം ചെയ്യുന്നവരെ അടിച്ചൊതുക്കിയ പൊലിസിന്റെ നടപടി മനുഷ്യത്വമില്ലായ്മയാണെന്ന് പി.കെ കുഞ്ഞാലിക്കുട്ടി എം.പി. എരഞ്ഞിമാവിലെ ഗെയില്‍ പദ്ധതി പ്രദേശം സന്ദര്‍ശിച്ച് പൊതുസമ്മേളനത്തില്‍ സംസാരിക്കുകയായിരുന്നു അദ്ദേഹം. ജനങ്ങള്‍ക്ക് സംരക്ഷണം നല്‍കേണ്ടവര്‍ അക്രമികളാവുകയാണ്. ജനകീയ സമരത്തെ ബലം പ്രയോഗിച്ച് കീഴ്‌പ്പെടുത്താനാവില്ല. പൊലീസിന്റെ അക്രമങ്ങള്‍ കാരണം പ്രദേശവാസികള്‍ സാമ്പത്തികമായും മാനസികമായും ശാരിരീകമായും പ്രയാസങ്ങള്‍ അനുഭവിക്കുകയാണ്, കുഞ്ഞാലിക്കുട്ടി പറഞ്ഞു.