അഹമ്മദാബാദ്: താന്‍ കോണ്‍ഗ്രസിന് പിന്തുണ പ്രഖ്യാപിച്ചതോടെ വ്യാജമായി തയാറാക്കിയ അശ്ലീല സി.ഡി. പുറത്തിറക്കി അപമാനിക്കാന്‍ ബി.ജെ.പിയുടെ ഭാഗത്തുനിന്ന് ശ്രമമുണ്ടായേക്കുമെന്ന് ഹാര്‍ദിക് പട്ടേല്‍.
ഗുജറാത്തില്‍ തെരഞ്ഞെടുപ്പ് വിജയത്തിനായി ഇത്തരത്തിലുള്ള തരംതാണ പ്രചാരണ തന്ത്രങ്ങള്‍ നടത്താന്‍ അവര്‍ മടികാണിക്കില്ലെന്നും അദ്ദേഹം അഹമ്മദാബാദില്‍ വാര്‍ത്താ സമ്മേളനത്തില്‍ ആരോപിച്ചു.
തെരഞ്ഞെടുപ്പിന് മുന്‍പായിരിക്കും വ്യാജ സി.ഡി പുറത്തിറക്കുകയെന്ന് താന്‍ ഭയപ്പെടുന്നുണ്ട്. തെരഞ്ഞെടുപ്പില്‍ വോട്ടിങ് യന്ത്രത്തില്‍ കൃത്രിമത്വം കാണിക്കാന്‍ ബി.ജെ.പി ശ്രമിക്കുമെന്ന കാര്യത്തില്‍ സംശയമില്ലെന്നും ഹാര്‍ദിക് പട്ടേല്‍ പറഞ്ഞു.
അതേസമയം ഹാര്‍ദിക്കിന്റെ ഇത്തരത്തിലുള്ള പരാമര്‍ശത്തെ ബി.ജെ.പി സംസ്ഥാന അധ്യക്ഷന്‍ ജിത്തു വാഗാനി നിഷേധിച്ചു. ഇതിനോട് പ്രതികരിക്കാന്‍ ആഗ്രഹിക്കുന്നില്ലെന്നും അദ്ദേഹം പറഞ്ഞു.