കരുനാഗപ്പള്ളി: യുവാക്കള്‍ സ്വാതന്ത്ര്യ സംരക്ഷകരും ദേശാഭിമാനവുമുള്ളവരുമാകണമെന്ന് വി.ടി ബല്‍റാം എം.എല്‍.എ അഭിപ്രായപ്പെട്ടു. കേരള യൂത്ത് പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ സംഘടിപ്പിക്കുന്ന സ്വാതന്ത്ര്യ സ്മൃതി ജ്വാല ദീപശിഖാ പ്രയാണത്തിന്റെ ലോഗോ പ്രകാശനം ചെയ്ത് സംസാരിക്കുകയായിരുന്നു അദ്ദേഹം. രാഷ്ട്ര പുനര്‍നിര്‍മാണ പ്രക്രിയയില്‍ യുവാക്കളെ പങ്കാളികളാക്കാന്‍ പൊതുസമൂഹം തയാറാകണമെന്നും എം.എല്‍.എ പറഞ്ഞു. കേരള യൂത്ത് പ്രമോഷന്‍ കൗണ്‍സില്‍ ചെയര്‍മാന്‍ സുമന്‍ജിത്ത് മിഷ അധ്യക്ഷനായി. പ്രതികരണവേദി ചെയര്‍മാന്‍ ജി. മഞ്ജുക്കുട്ടന്‍, കേരള യൂത്ത് പ്രമോഷന്‍ കൗണ്‍സില്‍ സംസ്ഥാന പ്രോഗ്രാം കോഡിനേറ്റര്‍  ജി.എസ് പ്രസൂണ്‍, താലൂക്ക് ചെയര്‍മാന്‍ രമേശ്. പി,  രാജീവന്‍ റാം  പ്രസംഗിച്ചു.