പരപ്പനങ്ങാടി: താനൂര്‍ റോഡില്‍ പൂരപ്പുഴക്ക് സമീപം കക്കൂസ് മാലിന്യം തള്ളി. വ്യാഴാഴ്ച രാത്രിയിലാണ് കക്കൂസ് മാലിന്യം റോഡരികില്‍ നിക്ഷേപിച്ചിട്ടുള്ളത്. റോഡരികില്‍ തള്ളിയ മാലിന്യം റോഡിലും പരിസരത്തുമായി വ്യാപിച്ച നിലയിലായിലാണ്.
നഗരസഭാ കൗണ്‍സിലര്‍ യു.പി ഹരിദാസന്റെ നേതൃത്വത്തില്‍ മുനിസിപ്പല്‍ അധികൃതരെത്തി ബ്ലീച്ചിങ് പൗഡറും ഫിനോയിലും ഉപയോഗിച്ച് മാലിന്യം നിര്‍വീര്യമാക്കിയിട്ടുണ്ട്. മണ്ണിട്ട് മൂടുന്നതിന് വേണ്ടി ഇന്നലെത്തന്നെ മണലും തട്ടിയിട്ടുണ്ട്. മാലിന്യം തള്ളിയവരെ കണ്ടെത്താനായിട്ടില്ല.
ദിനംപ്രതി നിരവധി വാഹനങ്ങളും യാത്രക്കാരും കടന്നുപോകുന്ന റോഡ് മലിനമാക്കിയ സാമൂഹ്യദ്രോഹികളെ കണ്ടത്തി കര്‍ശന നടപടികള്‍ സ്വീകരിക്കുമെന്ന് കൗണ്‍സിലര്‍ യു പി ഹരിദാസന്‍ പറഞ്ഞു.