ടോക്യോ: അന്താരാഷ്ട്ര സൗഹൃദ ഫുട്‌ബോള്‍ പോരാട്ടങ്ങളില്‍ മുന്‍ ലോക ചാംപ്യന്‍മാരായ ബ്രസീലിന് തകര്‍പ്പന്‍ ജയം. ഏഷ്യന്‍ കരുത്തരായ ജപ്പാനെ 3-1ന് കാനറികള്‍ വീഴ്ത്തി. നെയ്മര്‍, മാഴ്‌സെലോ, ഗബ്രിയേല്‍ ജീസസ് എന്നിവരാണ് സെലക്കാവോകള്‍ക്കായി വല ചലിപ്പിച്ചത്.
മത്സരത്തില്‍ ഒരു പെനാല്‍റ്റിയിലൂടെ ഗോള്‍ നേടിയ നെയ്മര്‍ മറ്റൊന്നു നഷ്ടപ്പെടുത്തുകയും ചെയ്തു. മറ്റൊരു മത്സരത്തില്‍ കരുത്തരായ കൊളംബിയയെ ഉത്തര കൊറിയ 2-1ന് അട്ടിമറിച്ചു. മറ്റ് മത്സരങ്ങളില്‍ ഇറാന്‍- പാനമയേയും ലക്‌സംബര്‍ഗ്- ഹംഗറിയേയും 2-1ന് വീഴ്ത്തി. ഹോളണ്ട് മറുപടിയില്ലാത്ത ഒറ്റ ഗോളിന് സ്‌കോട്‌ലന്‍ഡിനെ വീഴ്ത്തി. സെര്‍ബിയ 2-0ത്തിന് ചൈനയേയും ജോര്‍ജിയ 1-0ത്തിന് സൈപ്രസിനേയും കീഴടക്കി.
ലോകകപ്പ് യോഗ്യത:
സാധ്യത ഉയര്‍ത്തി
ക്രൊയേഷ്യ, സ്വിറ്റ്‌സര്‍ലന്‍ഡ്
സഗ്‌രെബ്: ലോകകപ്പ് യോഗ്യതാ പോരാട്ടത്തിന്റെ ആദ്യ പാദ പ്ലേയോഫില്‍ ക്രൊയേഷ്യ, സ്വിറ്റ്‌സര്‍ലന്‍ഡ് ടീമുകള്‍ക്ക് വിജയം. വിജയത്തോടെ ഇരു ടീമുകളും ഫൈനല്‍ റൗണ്ട് യോഗ്യതയിലേക്ക് കൂടുതല്‍ അടുത്തു.
ക്രൊയേഷ്യ 4-1ന് ഗ്രീസിനെ കീഴടക്കിയപ്പോള്‍ ഉത്തര അയര്‍ലന്‍ഡിനെതിരേ മറുപടിയില്ലാത്ത ഒറ്റ ഗോളിന്റെ വിജയമാണ് സ്വിറ്റ്‌സര്‍ലന്‍ഡ് സ്വന്തമാക്കിയത്. ലൂക മോഡ്രിച്, നികോള കലനിച്, ഇവാന്‍ പെരിസിച്, ക്രെമറിക് എന്നിവരാണ് ക്രൊയേഷ്യക്കായി ഗോള്‍ നേടിയത്.
വിവാദമായൊരു പെനാല്‍റ്റി ഗോളില്‍ നേടിയ ഒറ്റ ഗോളിന്റെ ആനുകൂല്യത്തിലാണ് ഉത്തര അയര്‍ലന്‍ഡിനെതിരേ വിജയം നേടി സ്വിറ്റ്‌സര്‍ലന്‍ഡ് മുന്നേറിയത്.