കളമശ്ശേരി: കളമശ്ശേരി: ഡിസംബര്‍ 22, 23, 24 തിയതികളില്‍ ചെമ്മാട് ഹിദായ നഗരിയില്‍ നടക്കുന്ന ദാറുല്‍ഹുദാ ഇസ്‌ലാമിക് സര്‍വകലാശാലയുടെ ബിരുദദാന മഹാസമ്മേളനത്തിന്റെ പ്രചരണ പരിപാടിയുടെ സംസ്ഥാനതല ഉദ്ഘാടനം ഇന്ന് വൈകീട്ട് ഏഴിന് ഏറണാംകുളം കളമശ്ശേരി ടൗണ്‍ഹാളില്‍ നടക്കും.
കോഴിക്കോട് ഖാസിയും ദാറുല്‍ഹുദാ വൈസ് പ്രസിഡന്റുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍ ഉദ്ഘാടനം ചെയ്യും. വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനാകും. കെ.വി തോമസ് എം.പി, വി.കെ ഇബ്രാഹീം കുഞ്ഞ് എം.എല്‍.എ, കാലടി സംസ്‌കൃത സര്‍വകലാശാല മുന്‍ വി.സി ഡോ. എം.സി ദിലീപ് കുമാര്‍ തുടങ്ങിയവര്‍ വിശിഷ്ടാതിഥികളായിരിക്കും. അന്‍വര്‍ മുഹ്‌യിദ്ദീന്‍ ഹുദവി മുഖ്യപ്രഭാഷണം നിര്‍വഹിക്കും.
ദാറുല്‍ഹുദാ സെക്രട്ടറി യു. ശാഫി ഹാജി ചെമ്മാട് വിഷയാവതരണം നടത്തും. ഓണംപിള്ളി മുഹമ്മദ് ഫൈസി, ഇ.എസ് ഹസന്‍ ഫൈസി, ഐ.ബി ഉസ്മാന്‍ ഫൈസി, എം.എം അബൂബക്കര്‍ ഫൈസി, പി.കെ മുഹമ്മദ് ഹാജി വെളിമുക്ക്, എ.എം യൂസുഫ് സാഹിബ്, ഇസ്ഹാഖ് ബാഖവി ചെമ്മാട് തുടങ്ങിയവര്‍ സംസാരിക്കും.
വാര്‍ത്താ സമ്മേളനത്തില്‍ സ്വാഗതസംഘം ചെയര്‍മാന്‍ അബുബക്കര്‍ ഫൈസി, കണ്‍വീനര്‍ ഫൈസല്‍ കങ്ങരപ്പടി, വി.കെ മുഹമ്മദ് ഹാജി എടയപ്പുറം, പി എം എ ലത്തീഫ് ,സിയാദ് ചെമ്പറക്കി, അബ്ദുല്‍ ഖാദിര്‍ ഹുദവി, മുഹമ്മദ് റുമൈസ് ഹുദവി, മുഹ്‌സിന്‍ ഹുദവി സംബന്ധിച്ചു.