നാദാപുരം: കഴിഞ്ഞ ദിവസം കൊല്ലപ്പെട്ട അസ്‌ലമിന്റെ അന്ത്യചടങ്ങുകളില്‍ പങ്കെടുത്തു മടങ്ങിയവര്‍ക്കു നേരെ ആക്രമണം നടന്നതായി പരാതി. ഇന്നലെ വെള്ളൂരിലാണു സംഭവം.
ഇതേ തുടര്‍ന്ന് ഇരുവിഭാഗവും തമ്മില്‍ നടന്ന സംഘര്‍ഷത്തില്‍ വീടുകള്‍ക്കുനേരെ വ്യാപക കല്ലേറുണ്ടായി. കല്ലേറില്‍ പൊലിസ് വാഹനങ്ങള്‍ക്കും കേടുപാടുകള്‍ സംഭവിച്ചു. അഡ്മിനിസ്‌ട്രേറ്റിവ് ഡിവൈ.എസ്.പി കെ. സുദര്‍ശന്‍ സഞ്ചരിച്ച വാഹനത്തിന്റെ ചില്ല് കല്ലേറില്‍ തകര്‍ന്നു. സ്‌ട്രൈക്കിങ് വാഹനത്തിനു നേരെയും കല്ലേറുണ്ടായി.
ഇതിനിടയില്‍ റോഡില്‍ ബോംബ് സ്‌ഫോടനവും നടന്നു.