വടകര: വോട്ടര്‍പട്ടികയുടെ ശുദ്ധീകരണവുമായി ബന്ധപ്പെട്ട് വടകര താലൂക്കിലെ ബൂത്തുതല ഉദ്യോഗസ്ഥര്‍ക്കുള്ള പരിശീലന ക്ലാസ് വിവിധ ദിവസങ്ങളിലായി നടക്കും.
നാദാപുരം മണ്ഡലത്തിലെ ബി.എല്‍.ഒമാര്‍ക്ക് 16ന് നാദാപുരം വി.എ.കെ പോക്കര്‍ ഹാജി മെമ്മോറിയല്‍ ഹാളിലാണു പരിശീലനം. എടച്ചേരി, തൂണേരി, ചെക്യാട്, വളയം, വിലങ്ങാട്, വാണിമേല്‍, തിനൂര്‍ വില്ലജുകളിലുള്ളവര്‍ക്ക് രാവിലെ 10നും നരിപ്പറ്റ, മരുതോങ്കര, കായക്കൊടി, കാവിലുംപാറ, നാദാപുരം വില്ലേജുകളിലുള്ളവര്‍ക്ക് 11.30നുമാണു പരിശീലന ക്ലാസ്.
കുറ്റ്യാടി മണ്ഡത്തിലെ ബി.എല്‍.ഒമാര്‍ക്ക് 17ന് ചെമ്മരത്തൂര്‍ മാനവീയം സാംസ്‌കാരിക നിലയത്തിലാണു പരിശീലനം. വില്യാപ്പള്ളി, ആയഞ്ചേരി, പുറമേരി, കുന്നുമ്മല്‍ വില്ലേജുകളിലുള്ളവര്‍ക്കു രാവിലെ 10നും കുറ്റ്യാടി, വേളം, തിരുവള്ളൂര്‍, കോട്ടപ്പള്ളി, മണിയൂര്‍, പാലയാട് വില്ലേജുകളിലുള്ളവര്‍ക്ക് 11.30നുമാണ് ക്ലാസ്.
വടകര മണ്ഡലത്തിലെ ബി.എല്‍.ഒമാര്‍ക്ക് 18ന് വടകര സിവില്‍ സ്റ്റേഷന്‍ കോണ്‍ഫറന്‍സ് ഹാളിലാണു പരിശീലനം. അഴിയൂര്‍, ഏറാമല, ഒഞ്ചിയം, ചോറോട് വില്ലേജുകളിലുള്ളവര്‍ക്കു രാവിലെ 10നും വടകര, നടക്കുതാഴ വില്ലേജുകളിലുള്ളവര്‍ക്ക് 11.30നുമാണ് ക്ലാസ്.