ഗൂഡല്ലൂര്‍: മുതുമല പഞ്ചായത്തിലെ നഗംപള്ളിയില്‍ യുവാവിനെ പുലി ആക്രമിച്ചു. പ്രദേശത്തെ ചന്ദ്രന്റെ മകന്‍ സതീഷി(20)നാണ് പരുക്കേറ്റത്. മേയാന്‍ വിട്ട പശുവിനെ തിരഞ്ഞ് വനത്തില്‍ പ്രവേശിച്ചപ്പോഴായിരുന്നു പുലിയുടെ ആക്രമണം. സതീഷിന്റെ കരച്ചില്‍കേട്ട് നാട്ടുകാര്‍ ഓടിയെത്തിയപ്പോഴാണ് പുലി ഇയാളെ വിട്ട് കാട്ടിലേക്ക് മറഞ്ഞത്. തലക്കും ഇടത്തെ കൈക്കും പരുക്കേറ്റ സതീഷീനെ ഗൂഡല്ലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.