താമരശേരി: കാന്തപുരം ടൗണ്‍ മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ ആരോഗ്യ ജീവകാരുണ്യ പ്രവര്‍ത്തനങ്ങള്‍ ഏകോപിപ്പിക്കുന്നതിന് ആരംഭിച്ച സി.എച്ച് സെന്ററിന്റെ ഉദ്ഘാടനം പാണക്കാട് മുനവ്വറലി ശിഹാബ് തങ്ങള്‍ നിര്‍വഹിച്ചു.
ഡോ. എ.പി അബ്ദുല്‍ ഖാദറിന്റെ നേതൃത്വത്തില്‍ സൗജന്യ മെഗാ മെഡിക്കല്‍ ക്യാംപും മരുന്നുവിതരണവും നടന്നു. പുതുതായി എം.ബി.ബി.എസ് നേടിയവരെയും രക്ഷിതാക്കളെയും ചടങ്ങില്‍ അനുമോദിച്ചു.
അഹമ്മദ്കുട്ടി ഉണ്ണികുളം അധ്യക്ഷനായി. ഉണ്ണികുളം പഞ്ചായത്ത് പ്രസിഡന്റ് ഇ.ടി ബിനോയ്,നാസര്‍ എസ്റ്റേറ്റ്മുക്ക്, അബ്ദുന്നാസര്‍ കോയ തങ്ങള്‍, കെ. ഉസ്മാന്‍ മാസ്റ്റര്‍, കെ.കെ മുനീര്‍, എ.പി ഹുസൈന്‍ മാസ്റ്റര്‍, എ.പി അബ്ദുറഹിമാന്‍ കുട്ടി മാസ്റ്റര്‍, ഇസ്മായില്‍ മാസ്റ്റര്‍, കെ.വി അബ്ദുസ്സലാം മാസ്റ്റര്‍, പി.കെ സുലൈമാന്‍, കെ. അജിത്കുമാര്‍, ഫസല്‍ സംസാരിച്ചു.