ദോഹ: കുറ്റകൃത്യങ്ങള്‍ ഏറ്റവും കുറഞ്ഞ രാജ്യങ്ങളില്‍ ഖത്തറും ഇടംനേടിയിട്ടുണ്ടെന്ന് വികസന ആസൂത്രണ സ്ഥിതിവിവരക്കണക്ക് മന്ത്രാലയം. കുറ്റകൃത്യങ്ങളുടെ കണക്കുകള്‍ സംബന്ധിച്ച് മന്ത്രാലയം സംഘടിപ്പിച്ച ശില്‍പ്പശാലയില്‍ സംസാരിക്കവെ പോപ്പുലേഷന്‍ ആന്റ് സോഷ്യല്‍ സ്റ്റാറ്റിസ്റ്റിക്‌സ് ഡയറക്ടര്‍ മുഹമ്മദ് അല്‍മുഹന്നദിയാണ് ഇക്കാര്യം ചൂണ്ടിക്കാട്ടിയത്.

വാര്‍ഷിക ഗ്ലോബല്‍ ക്രൈം സൂചികപ്രകാരം മിഡില്‍ഈസ്റ്റില്‍ ഏറ്റവും കുറവ് കുറ്റത്യനിരക്കുള്ളത് ഖത്തറിലാണ്. കുറ്റകൃത്യങ്ങള്‍ കുറഞ്ഞ രാജ്യങ്ങളുടെ ആഗോളപട്ടികയില്‍ ഏഴാം സ്ഥാനത്താണ് ഖത്തര്‍.

ലണ്ടന്‍ ഇന്‍സ്റ്റിറ്റ്യൂട്ട് ഫോര്‍ ഇക്കണോമിക്‌സ് ആന്റ് പീസിന്റെ റിപ്പോര്‍ട്ട് പ്രകാരം ആഗോള സമാധാന സൂചികയില്‍ മെന മേഖലയില്‍ തുടര്‍ച്ചയായ ഒന്‍പതാം വര്‍ഷവും ഖത്തറാണ് ഒന്നാംസ്ഥാനത്ത്. റിപ്പോര്‍ട്ടില്‍ 163 രാജ്യങ്ങളാണ് ആകെ ഉള്‍പ്പെട്ടിരിക്കുന്നത്. ഇതില്‍ 30ാം സ്ഥാനത്താണ് ഖത്തര്‍.