കോഴിക്കോട്: ലോക മനുഷ്യാവകാശ ദിനത്തോടനുബന്ധിച്ച് ജെ.ഡി.ടി ഇസ്‌ലാം ഹൈസ്‌കൂള്‍ ആര്‍ട്‌സ് ക്ലബും ചായക്കൂട്ടും സംയുക്തമായി കോഴിക്കോട് കടപ്പുറത്ത് മണല്‍ശില്‍പം ഒരുക്കി. അഭയാര്‍ഥി പ്രശ്‌നത്തിലെ കണ്ണീര്‍ കാഴ്ചയായ ഐലന്‍ കുര്‍ദിയുടെ ചിത്രം അനുസ്മരിക്കുന്ന മണല്‍ചിത്രമാണ് വിദ്യാര്‍ഥികള്‍ തയാറാക്കിയത്. 

വിവിധ കലാപരിപാടികളും നടന്നു. ജെ.ഡി.ടി ഇസ്‌ലാം പ്രസിഡന്റ് സി.പി കുഞ്ഞുമുഹമ്മദ് ഉദ്ഘാടനം ചെയ്തു. ഡോ. പി.സി അന്‍വര്‍, എം.പി അബ്ദുല്‍ ഗഫൂര്‍, ഇ. അബ്ദുല്‍ കബീര്‍, ഹെഡ്മാസ്റ്റര്‍ ഇ. അബ്ദുല്‍ ഗഫൂര്‍ സംബന്ധിച്ചു. അധ്യാപകരായ സാജിദ് ചോല, സൈഫുദ്ദീന്‍, ഇ. അഹമ്മദ്, റോഷിക്, അബ്ദുല്‍ ജബ്ബാര്‍, ഹാരിസ് നേതൃത്വം നല്‍കി.