കൊച്ചി: ഓഖി ചുഴലിക്കാറ്റിനെത്തുടര്‍ന്ന് കാണാതായ ഒരാളുടെ മൃതദേഹം കൂടി കണ്ടെടുത്തു. ചെല്ലാനത്തു നിന്ന് ആറ് നോട്ടിക്കല്‍ മൈല്‍ ദൂരത്തു നിന്നാണ് മൃതദേഹം കണ്ടെടുത്തത്.

ഫിഷറീസ് വകുപ്പിന്റെ മറൈന്‍ എന്‍ഫോഴ്‌സ്‌മെന്റ് നടത്തിയ തെരച്ചിലിലാണ് മൃതദേഹം കണ്ടെടുത്തത്. രാത്രിയോടെ കരയിലെത്തിക്കുമെന്നാണ് കരുതുന്നത്.

സര്‍ക്കാര്‍ കണക്കു പ്രകാരം ഇതുവരെ മരിച്ചവരുടെ എണ്ണം 38 ആയി. 146 പേരെ ഇനിയും കണ്ടെത്താനുണ്ടെന്ന് സര്‍ക്കാര്‍ കഴിഞ്ഞദിവസം അറിയിച്ചിരുന്നു.