ദുബൈ: അന്താരാഷ്ട്ര ക്രിക്കറ്റ് കൗണ്‍സിലിന്റെ മത്സരപ്പട്ടികയില്‍ ഇന്ത്യന്‍ പ്രീമിയര്‍ ലീഗും. 2019-23 വര്‍ഷത്തെ മത്സരപ്പട്ടികയിലാണ് ഐ.പി.എല്‍ ഇടംപിടിച്ചത്.
മറ്റൊരു രാജ്യത്തുള്ള ആഭ്യന്തര ടൂര്‍ണമെന്റുകളൊന്നും ഇത്തരത്തില്‍ പട്ടികയില്‍ ഇടംപിടിച്ചിട്ടില്ല. ഇന്ത്യക്ക് ഗുണകരമാണ് ഈ നീക്കം. ടൂര്‍ണമെന്റ് നടക്കുന്ന രണ്ടുമാസ കാലയളവില്‍ മറ്റ് അന്താരാഷ്ട്ര മത്സരങ്ങളൊന്നും നടക്കില്ല. അതിനാല്‍ ടൂര്‍ണമെന്റിനിടെ പ്രമുഖ താരങ്ങള്‍ അന്താരാഷ്ട്ര മത്സരങ്ങള്‍ കളിക്കാന്‍ പോകുന്ന സാഹചര്യം ഇല്ലാതാകും.
ഇത് ഫ്രാഞ്ചൈസികള്‍ക്ക് ഗുണകരമാണ്. സുപ്രധാന ടൂര്‍ണമെന്റുകളായ ലോകകപ്പ്, ചാംപ്യന്‍സ് ട്രോഫി, ടി20 ലോകകപ്പ് എന്നിവയ്‌ക്കൊപ്പമാണ് ഐ.പി.എല്ലും പട്ടികയില്‍ ഇടംപിടിച്ചിരിക്കുന്നത്.