ന്യൂയോര്‍ക്ക്: മാധ്യമപ്രവര്‍ത്തകര്‍ക്ക് ഈ വര്‍ഷം 'ഇരുണ്ട' വര്‍ഷമാണെന്ന് മാധ്യമപ്രവര്‍ത്തകരുടെ അവകാശങ്ങള്‍ക്കായി പ്രവര്‍ത്തിക്കുന്ന കമ്മിറ്റി റ്റു പ്രൊട്ടക്റ്റ് ജേര്‍ണലിസ്റ്റ്‌സ് (സി.പി.ജെ). 262 മാധ്യമപ്രവര്‍ത്തകരെയാണ് ജോലിക്കിടെ വിവിധ രാജ്യങ്ങളില്‍ ജയിലലടച്ചതെന്ന് സി.പി.ജെ പുറത്തിറക്കിയ റിപ്പോര്‍ട്ടില്‍ പറയുന്നു. മാധ്യമപ്രവര്‍ത്തകരെ ജയിലിലടച്ചത് പരിഗണിക്കുകയാണെങ്കില്‍ ലജ്ജാകരമായ വര്‍ഷമാണിതെന്ന് സി.പി.ജെ എക്‌സിക്യുട്ടീവ് ഡയരക്ടര്‍ ജോല്‍ സിമോണ്‍ പറഞ്ഞു.