ദോഹ: ഖത്തര്‍ വിഖായയുടെ ഔദ്യോഗിക ഫേസ്ബുക്ക് പേജിന്റെ ലോഞ്ചിങ്ങും ലോഗോ പ്രകാശനവും പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വ്വഹിച്ചു.

പ്രവാസികള്‍ക്കിടയില്‍ നിയമകുരുക്കില്‍ കുടുങ്ങിയ ആളുകള്‍ക്ക് ആവശ്യമായ സഹായങ്ങള്‍ നല്‍കല്‍, അവരെ പുനരധിവസിപ്പിക്കല്‍, നാട്ടിലേക്ക് പോകാന്‍ കഴിയാതെ പ്രയാസം അനുഭവിക്കുന്നവരെ സഹായിക്കല്‍, ലേബര്‍ക്യാമ്പുകളിലെ ഭക്ഷണ വിതരണം, ആശുപത്രി സന്ദര്‍ശനം, രോഗി പരിചരണം തുടങ്ങി ഒട്ടേറെ വേറിട്ട പ്രവര്‍ത്തനങ്ങള്‍ കാഴ്ചവെച്ച് ചുരുങ്ങിയ കാലം കൊണ്ട് തന്നെ ശ്രദ്ധേയമായമായ വിഖായയുടെ പ്രവര്‍ത്തനങ്ങള്‍ പ്രശംസനീയമാണെന്ന് അദ്ദേഹം പറഞ്ഞു.

ഖത്തര്‍ കേരള ഇസ്‌ലാമിക് സെന്ററില്‍ നടന്ന ചടങ്ങില്‍ ഇസ്‌ലാമിക് സെന്റര്‍ പ്രസിഡണ്ട് എ.വി.അബൂബക്കര്‍ ഖാസിമി അദ്ധ്യക്ഷത വഹിച്ചു. ഇബ്രാഹിം ഫൈസി ജെടിയാര്‍ മുഖ്യപ്രഭാഷണം നിര്‍വ്വഹിച്ചു. ഇസ്മാഈല്‍ ഹുദവി, നൗഷാദ് കൈപ്പമംഗലം അഷ്‌റഫ് ചക്കോല, ജാഫര്‍കതിരൂര്‍, ഹുസൈന്‍ റഹ്മാനി എന്നിവര്‍ സംസാരിച്ചു മുനീര്‍ ഹുദവി സ്വാഗതവും ജൗഹര്‍ പുറക്കാട് നന്ദിയും പറഞ്ഞു.