തിരുവനന്തപുരം: സംസ്ഥാനത്തെ ജനകീയ വികസന വിഷയങ്ങള്‍ ചര്‍ച്ച ചെയ്യുന്ന മുഖ്യമന്ത്രി പിണറായി വിജയന്‍ പങ്കെടുക്കുന്ന 'നാം മുന്നോട്ട് ' ഇന്നു മുതല്‍ പ്രേക്ഷകരിലേക്ക്. സ്ത്രീ സുരക്ഷയാണ് ഇന്നത്തെ ചര്‍ച്ചാ വിഷയം. ദൂരദര്‍ശന്‍ ഉള്‍പ്പെടെ എല്ലാ ചാനലുകളും സംപ്രേഷണം ചെയ്യും. ആറന്മുള എം.എല്‍.എ വീണാ ജോര്‍ജാണ് പരിപാടിയുടെ അവതാരക.
സംസ്ഥാന സര്‍ക്കാരിന്റെ പ്രവര്‍ത്തനം വിലയിരുത്തുക, ജനതാല്‍പര്യം അറിയുക ഒപ്പം പരാതി പരിഹരിക്കുന്നതിന് പ്രധാന ഊന്നല്‍, ഇതാണ് മുഖ്യമന്ത്രിയുടെ ടെലിവിഷന്‍ ഷോയായ 'നാം മുന്നോട്ട് 'എന്ന പരിപാടിയില്‍ ഉള്ളത്.
27 മിനുട്ടാണ് പരിപാടിയുടെ ദൈര്‍ഘ്യം. ഓരോ ഭാഗവും ഓരോ ജനകീയ വികസന വിഷയത്തെ കേന്ദ്രീകരിച്ചാകും. വിഷയവുമായി ബന്ധപ്പെട്ട് നാലംഗ വിദഗ്ധ ടീം പാനലായി പ്രവര്‍ത്തിക്കും.
ഇവര്‍ക്കൊപ്പം സാമൂഹ്യ, സാംസ്‌കാരിക, ചലച്ചിത്ര മേഖലകളിലെ പ്രമുഖരും സംവാദത്തില്‍ പങ്കാളികളാകും.