കരുളായി: എം.എസ്.എഫ് ജില്ലാകമ്മിറ്റിയുടെ സമത്വ സംഗമം കരുളായിലെ വലിയ പുള്ളി എസ്.സി കോളനിയില്‍ സംഘടിപ്പിച്ചു. സ്വതന്ത്രദിനാഘോഷത്തിന്റെ ഭാഗമായാണ് സമത്വസംഗമങ്ങള്‍ നടത്തുന്നത്. രാജ്യത്തിന്റെ 70ാം സ്വാതന്ത്ര ദിനാഘോഷം ആദിവാസികള്‍ക്കൊപ്പം ആഘേഷിക്കുകയാണ് എം.എസ്.എഫിന്റെ ലക്ഷ്യം. കോളനിയിലെത്തിയ എം.എസ്.എഫ് പ്രവര്‍ത്തകര്‍ കോളനിക്കാര്‍ക്കൊപ്പം വിവിധ പരിപാടികള്‍ നടത്തി. പായസ വിതരണവും നടത്തി. ചടങ്ങില്‍ കോളനിയിലെ മുതിര്‍ന്ന പൗരന്‍മാരെയും എസ്.എസ്.എല്‍.സി പരീക്ഷയില്‍ ഉന്നത വിജയം കൈവരിച്ച വരെയും ആദരിച്ചു. ജില്ലാ പഞ്ചായത്തംഗം ടി.പി അഷറഫലി ഉദ്ഘാടനം ചെയ്തു.എം.എസ്.എഫ് ജില്ലാ പ്രസിഡന്റ് ടി.പി ഹാരിസ് അധ്യക്ഷനായി. യൂസഫ് വല്ലാഞ്ചിറ, വി.പി അഹമ്മദ് സഹീര്‍, നിഷാജ് എടപ്പറ്റ, കെ.എം സാദിഖ്, മിഥ്‌ലാജ്. കെ.പി റമീസ്, ടി.പി സിദ്ദീഖ്, പി.എച്ച് ആയിശ എന്നിവര്‍ സംബന്ധിച്ചു.