ന്യൂഡല്‍ഹി: ബലൂചിസ്താന്‍ വിഷയത്തിലുള്ള പ്രധാനമന്ത്രി നരേന്ദ്ര മോദിയുടെ ചെങ്കോട്ട പ്രസംഗം പുതുമോടി മാത്രമാണെന്ന് കോണ്‍ഗ്രസ് നേതാവ് സല്‍മാന്‍ ഖുര്‍ഷിദ്. വിദേശനയത്തില്‍ അനുഭവസമ്പത്തില്ലാത്തതുകൊണ്ടാണ് ഇത്തരം പ്രസ്താവനകളെന്നും ഖുര്‍ഷിദ് പറഞ്ഞു.

നേരത്തേയും സല്‍മാന്‍ ഖുര്‍ഷിദ് മോദിയുടെ ബലൂചിസ്താന്‍ പ്രസംഗത്തെ വിമര്‍ശിച്ചിരുന്നു.  അയല്‍രാജ്യങ്ങളിലെ ആഭ്യന്തരപ്രശ്‌നങ്ങളെക്കുറിച്ച് അഭിപ്രായം പറയുന്നതും അതില്‍ ഇടപെടുന്നതും ഇന്ത്യയുടെ രീതിയല്ല. ബലൂച് വിഷയം ഇന്ത്യ ഉയര്‍ത്തുന്നത് കശ്മിരിന്‍മേലുള്ള നമ്മുടെ അവകാശവാദത്തെ അസ്ഥിരപ്പെടുത്താന്‍ മാത്രമെ സഹായിക്കൂ. ബലൂച് പ്രശ്‌നത്തില്‍ നമ്മള്‍ അഭിപ്രായം പറയുന്നത് ഇന്ത്യയുടെ ആഭ്യന്തരകാര്യങ്ങളില്‍ ഇടപെടാന്‍ പാകിസ്താനു ധൈര്യംനല്‍കുമെന്നും  സല്‍മാന്‍ ഖുര്‍ഷിദ് ആരോപിച്ചിരുന്നു.