സുഹാര്‍: ഒമാനിലെ സുഹാര്‍ വടക്കന്‍ ബാത്തിന ഗവര്‍ണറേറ്റില്‍ വെച്ച് റോഡ് മുറിച്ചു കടക്കുന്നതിനിടെ വാഹനം ഇടിച്ച് മലയാളി മരിച്ചു. കൊല്ലം, കുണ്ടറ ഉളിയ കോവില്‍ കീച്ചേരി വടക്കേതില്‍ സ്വദേശി സുനില്‍ കുമാര്‍ ആണ് മരിച്ചത്. 47 വയസായിരുന്നു. റദ്ദയില്‍ കെട്ടിട നിര്‍മ്മാണ കമ്പനിയില്‍ ജീവനക്കാരനായിരുന്നു.

അപകടം നടന്ന ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. സഹം ഹോസ്പിറ്റല്‍ മോര്‍ച്ചറിയില്‍ മൃതദേഹം സൂക്ഷിച്ചിരിക്കുകയാണ്. നിയമ നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുവരാനാണ് തീരുമാനിച്ചിരിക്കുന്നത്. ഭാര്യ: മായ. മക്കള്‍: മിഥുന്‍. അദ്വൈത്. പിതാവ്: അഴകേശന്‍. മാതാവ്: മീനാക്ഷി.

ഒമാനില്‍ റോഡ് മുറിച്ചു കടക്കുന്നതിനിടെ അപകടം; മലയാളി യുവാവ് മരിച്ചു