ടോക്കിയോ; ലയണല്‍ മെസ്സിയുടെ ഇന്റര്‍ മയാമിയുടെ പ്രീസീസണ്‍ ടൂറിലെ അവസാന മത്സരം തോല്‍വിയില്‍ കലാശിച്ചു. ഇന്ന് ടോക്കിയോയില്‍ വെച്ച് വിസല്‍ കോബെയെ നേരിട്ട ഇന്റര്‍ മയാമി പെനാള്‍ട്ടി ഷൂട്ടൗട്ടില്‍ ആണ് പരാജയപ്പെട്ടത്. നിശ്ചിത സമയത്ത് മത്സരം ഗോള്‍ രഹിതമായിരുന്നു. തുടര്‍ന്ന് കളി ഷൂട്ടൗട്ടില്‍ എത്തി. അവിടെ 43ന് വിസെല്‍ കോബെ വിജയിക്കുക ആയിരുന്നു.

ലയണല്‍ മെസ്സി ഇന്ന് ആദ്യ ഇലവനില്‍ ഉണ്ടായിരുന്നില്ല. സബ്ബായി 60ആം മിനുട്ടില്‍ മെസ്സി കളത്തില്‍ എത്തി. മെസ്സി പെനാള്‍ട്ടി കിക്കും എടുത്തില്ല. ഏഷ്യയിലേക്കുള്ള പര്യടനത്തില്‍ ഇന്റര്‍ മയാമി സൗദിയില്‍ അല്‍ ഹിലാല്‍, അല്‍ നസര്‍ എന്നിവരോടും പരാജയപ്പെട്ടിരുന്നു. ഹോങ്കോങ് ഇലവനോട് മാത്രമാണ് അവര്‍ വിജയിച്ചത്. ഇനി ഇന്റര്‍ മയാമി തിരികെ അമേരിക്കയിലേക്ക് യാത്ര തിരിക്കും.

മെസ്സിയുടെ ഇന്റര്‍ മയാമിക്ക് ജപ്പാനിലും പരാജയം