സഊദിയിലും വ്യാപക മഴ; പലയിടത്തും വെള്ളക്കെട്ടുകൾ

റിയാദ്: യുഎഇയ്ക്ക് പിന്നാലെ സഊദിയിലും വ്യാപക മഴ. കിഴക്കന്‍ സഊദിയിലും വടക്കന്‍ പ്രവിശ്യകളിലും റിയാദ്, താഇഫ് ഭാഗങ്ങളിലും ഇന്നലെ ശക്തമായ മഴയനുഭവപ്പെട്ടു. മഴയില്‍ കിഴക്കന്‍ പ്രവിശ്യയില്‍പലയിടത്തും വെള്ളം കയറി.

മഴ മുന്നറിയിപ്പിന് പിന്നാലെയാണ് ശക്തമായ മഴ എത്തിയെന്നതിനാൽ മറ്റു അപകടങ്ങൾ ഒന്നും ഉണ്ടായില്ല. ന്യൂനമര്‍ദ്ദത്തെതുടര്‍ന്ന് സഊദിയിലുടനീളം ശക്തമായ മഴയെത്തുമെന്ന മുന്നറിയിപ്പ് താമസക്കാർക്കും വിദേശികൾക്കും നല്‍കിയിരുന്നു.

വിവിധ പ്രദേശങ്ങളിൽ ശക്തമായ മഴയില്‍ താഴ്ന്ന പ്രദേശങ്ങളില്‍ വെള്ളക്കെട്ടുകള്‍ രൂപപ്പെട്ടു. പ്രധാന ഹൈവേകളിലെ ടണലുകള്‍ മുന്‍കരുതലിന്റെ ഭാഗമായി അടിച്ചിട്ടതിനാല്‍ റോഡുകളില്‍ ഗതാഗത തടസ്സവും നേരിട്ടു. എന്നാൽ മഴ കുറഞ്ഞതോടെ റോഡുകളിൽ ട്രാഫിക് സുഗമമായി.