ദോഹ: പൊതുജന സുരക്ഷ കണക്കിലെടുത്ത് ഖത്തര്‍ തലസ്ഥാനമായ ദോഹയിലെ അമേരിക്കന്‍ എംബസിക്ക് സമീപം താമസിക്കുന്നവരെ താല്‍ക്കാലികമായി ഒഴിപ്പിച്ചു. ഖത്തര്‍ ആഭ്യന്തര മന്ത്രാലയമാണ് വ്യാഴാഴ്ച പുലര്‍ച്ചെ ഈ വിവരം അറിയിച്ചത്. മേഖലയിലെ സുരക്ഷാ സാഹചര്യങ്ങള്‍ മുന്‍നിര്‍ത്തിയുള്ള മുന്‍കരുതല്‍ നടപടിയുടെ ഭാഗമായാണ് ഈ നീക്കമെന്ന് മന്ത്രാലയം വ്യക്തമാക്കി. ബന്ധപ്പെട്ട അധികൃതരുടെ നേതൃത്വത്തിലാണ് ഒഴിപ്പിക്കല്‍ നടപടികള്‍ പൂര്‍ത്തിയാക്കിയത്. ഒഴിപ്പിക്കപ്പെട്ട താമസക്കാര്‍ക്കായി അധികൃതര്‍ അനുയോജ്യമായ ബദല്‍ താമസ സൗകര്യങ്ങള്‍ ഒരുക്കിയിട്ടുണ്ട്. നേരത്ത ദെുബൈയിലെ യു.എസ് കോണ്‍സുലേറ്റിനും നേരെയും റിയാദിലെ യു.എസ് എംബസിക്ക് നേരെയും ഇറാന്‍ ആക്രമണം ഉണ്ടായ സാഹചര്യത്തിലാണ് ഖത്തറിന്റെ നടപടി. 
ആവശ്യമായ പ്രതിരോധ നടപടികളുടെ ഭാഗമായാണ് ഈ താത്കാലിക ക്രമീകരണമെന്ന് ഉദ്യോഗസ്ഥര്‍ സ്ഥിരീകരിച്ചു. സംഭവവുമായി ബന്ധപ്പെട്ട് ഔദ്യോഗികവും വിശ്വസനീയവുമായ സ്രോതസ്സുകളില്‍ നിന്നുള്ള വിവരങ്ങള്‍ മാത്രം ആശ്രയിക്കണമെന്നും തെറ്റായ വാര്‍ത്തകള്‍ പ്രചരിപ്പിക്കരുതെന്നും ആഭ്യന്തര മന്ത്രാലയം പൊതുജനങ്ങളോട് അഭ്യര്‍ത്ഥിച്ചു.

ALSO READ: യുഎഇയിൽ കുടുങ്ങിയ യാത്രക്കാർക്ക് ആശ്വാസം: വിസ പിഴകൾ ഒഴിവാക്കി; വ്യോമാതിർത്തി നിയന്ത്രണം തുടരുന്നു

Qatar’s authorities have begun evacuating residents living near the US Embassy in Doha as a temporary precautionary measure, according to the Qatar Ministry of Interior. The ministry said in a social media statement early on Thursday that the evacuation is being carried out by the relevant authorities as part of measures aimed at safeguarding public safety.