സഞ്ജു ഗ്രേഡ് C യില്‍ തുടരും; 2024 സീസണിലേക്കുള്ള ക്രിക്കറ്റ് താരങ്ങളുടെ ഗ്രേഡിങ് പുതുക്കി ബിസിസിഐ

മുംബൈ: 2024 സീസണിലേക്കുള്ള ക്രിക്കറ്റ് താരങ്ങളുടെ ഗ്രേഡിങ് പുറത്തുവിട്ട് ബിസിസിഐ. ആകെ 30 താരങ്ങളാണ് നാല് കാറ്റഗറികളിലായി കരാറില്‍ ഉള്‍പ്പെട്ടത്. യഥാക്രമം ഏഴുകോടി, അഞ്ചുകോടി, മൂന്നുകോടി, ഒരു കോടി എന്നിങ്ങനെയാണ് ഇവര്‍ക്കുള്ള വാര്‍ഷിക പ്രതിഫലം. കാറ്റഗറി എ പ്ലസില്‍ രോഹിത് ശര്‍മ, വിരാട് കോലി, ജസ്പ്രീത് ബുംറ, രവീന്ദ്ര ജഡേജ എന്നീ പ്രമുഖരാണുള്ളത്. സഞ്ജു സാംസണ്‍ കാറ്റഗറി സി യില്‍ തന്നെ തുടരും. താരങ്ങളായ അജിങ്ക്യ രഹാനെ, ശിഖര്‍ ധവാന്‍, ചേതേശ്വര്‍ പൂജാര, യുശ്വേന്ദ്ര ചഹല്‍ എന്നിവര്‍ പുതിയ കരാറില്‍ നിന്ന് പുറത്തായതാണ് ശ്രദ്ധേയമായ മാറ്റം. കരാറില്‍ ഉള്‍പ്പെട്ട മറ്റു താരങ്ങള്‍

CategoryA+
ഏഴ് കോടി
രോഹിത് ശര്‍മ, വിരാട് കോലി, ജസ്പ്രീത് ബുംറ, രവീന്ദ്ര ജഡേജ

CategoryA
അഞ്ച് കോടി

രവിചന്ദ്രന്‍ അശ്വിന്‍, മുഹമ്മദ് ഷമി, മുഹമ്മദ് സിറാജ്, കെ.എല്‍. രാഹുല്‍, ശുഭ്മാന്‍ ഗില്‍, ഹര്‍ദിക് പാണ്ഡ്യ

CategoryB
മൂന്ന് കോടി

സൂര്യകുമാര്‍ യാദവ്, റിഷഭ് പന്ത്, കുല്‍ദീപ് യാദവ്, അക്‌സര്‍ പട്ടേല്‍, യശസ്വി ജയ്‌സ്വാള്‍

CategoryC
ഒരു കോടി

റിങ്കു സിങ്, തിലക് വര്‍മ, ഋതുരാജ് ഗെയ്ക്വാദ്, ശര്‍ദുല്‍ താക്കൂര്‍, ശിവം ദുബെ, രവി ബിഷ്‌ണോയ്, ജിതേഷ് ശര്‍മ, വാഷിങ്ടണ്‍ സുന്ദര്‍, മുകേഷ് കുമാര്‍, സഞ്ജു സാംസണ്‍, അര്‍ഷ്ദീപ് സിങ്, കെ.എസ്. ഭരത്, പ്രസിദ്ധ് കൃഷ്ണ, ആവേശ് ഖാന്‍, രജത് പടിദാര്‍